| 工作 無論我怎樣努力，
別人只會看見我不足的地方，
換來的只有批評和譴責。 辛辛苦苦做這份工為了甚麼？我得到的只有金錢...
但我失去的似乎更多... 時間... 我失去與家人相處的時間、
同朋友去街的時間、
報course學野的時間、
我奉獻了整個寶貴的暑假在這份令我煩惱、厭惡的工作上，
我的人生已不再剩下許多暑假，
我是否應該好好珍惜所剩無幾的暑假，
去做我真正想做的事？ 我討厭工作要受氣，
特別是無理的責備，這是我不能忍受的事... 幸好現在只是做暑期工，
暑假後不需要再面對這份工作。
但我害怕將來真正踏出社會，
壓力一定比現在更大。
就當現左是提前了解工作現實的一面，
作好心理準備。 我會更珍惜讀書的時間，
因為這真的是人生中最快樂的時光。
|
| |
| 今天去買化妝品，
冇辦法，工作需要，天天要make up，
要買Quality較高的產品。
親身體驗Sales 的威力，
同道中人竟然都比人sales倒...
好好笑
事情是這樣的...
個sales 話加$22 有多枝遮瑕筆同香水，
我拒絕左3次，因我覺得冇需要，
之後另一個sales再黎sales我，
佢話：「枝遮瑕筆好多artists 都用ga，
朗豪坊個office差唔多每個女仔都有一枝~
同埋依個產品係我地公司ge 3寶之一，既然你買左2寶，點解唔買多1寶？
我都未見過人唔加$22買ge，原價9X蚊ga 。」
比佢講到我如果唔加多少少錢買就係一個怪人，
所以最後都係買左...
但我依加回想起就覺得好傻，
Sales ge 說話邊可信ga~
朗豪坊個office差唔多每個女仔都有一枝<--但我竟然都信左~哈哈！
同埋我根本就唔用遮瑕筆...
我也想成為有說服力的Salesperson! |
| |
| 病了...但上星期五仍然去游水。
因為好難得才有假期，
和表妹去了彩虹斧山道嬉水池。
有好多野玩~有蛇，有龜可以爬上去~
仲有好多滑梯！
原來在彩虹游泳真的會看見彩虹！
今日星期日依然要返工，
返工要犧牲和家人相處的時間，
我已經有幾個星期見唔倒我dad la...
雖然見唔倒面，但Dad今日買左盒Cookie 同牛奶糖比我！
14X 蚊只有十塊曲奇...唔捨得食呀...
tasty cookies~
我依加好討厭奧運呀，
因為奧運攪到我book唔倒埸打Bad!
全部都full曬！激死~
明天又有一天寶貴的假期唯有去打機la~ |
| |
| 我好喜歡在數學科上取得好成績，
在自己唔擅長ge地方有好表現
比起在自己擅長ge地方有好表現更開心，更有滿足感！
所謂將勤補拙，是真的！
亦証明我不是一個數學白痴~IQ是正常的~哈哈！
|
| |
| 八號風球的晚上...隔住窗仍然聽到和感到風聲。
突然諗返起好多野，打風帶比我好多回憶。 明天打風可能唔洗返工，
趁這個機會等我為荒廢左ge xanga 加添一些色彩啦！
上個星期好忙...食無定時...每日放工都好累呀！ 最近我做左一件事，
有好大ge罪惡感...
原來我也被功利社會的思想侵佔...
在金錢和人格兩者之間，
我選擇了金錢...
他說得對...人是自私的，要為自己的利益著想。
我所做的只是為了實現自己的理想。
但我作出的決定是對的嗎？ |
| |
